නිවැරදිව ආරක්ෂිතව මුඛ ආවරණයක් පළදින්නේ කොහොමද?

 අප රටේ පමණක් නොව ලෝකයේම මේ වන විට කොවීඩ් වසංගතය ගොදුරු කර ගනිමින් පවතිනවා. මේ සදහා ලෝක බලවතුන්, සෞඛ්‍ය සංවිධාන හා රජය නොයෙකුත් පියවරයන් ගනිමින් පවතිනවා අප හැම දෙනාගේම ආරක්ෂාව සදහා. මේ අවස්තාවේ අපට කල හැකි හොදම දේ නම් නිවසටම වී සිටීම වුවද, යම් යම් අවස්තා වලදී අපට නිවසින් බැහැරව යාමට සිදුවෙනවා. ඒ අවස්ථා වලදී අප අනිවාරයෙන්ම කල යුතු දෙයක් වන්නේ මුඛ ආවරණයක් පැළදීමයි. මේ ලිපියෙන් අද අපි ගෙන එන්නට හිතුවා මුඛ ආවරණයක් කොහොම හරියට පළදින්නේ කියලා ඔයාලව දැනුවත් කරන්න. එපමණක් නෙමෙයි, කොහොමද සුදුසු මුඛ ආවරණයක් තෝරා ගන්නේ කියලත්, භාවිතයෙන් පසු මුඛ ආවරණ පිරිසිදු කරන්නේ කොහොමද කියලත් මේ ලිපියෙන් ඔබට දැනගන්න පුලුවන්.

හොද මුඛ ආවරණයක් තෝරාගන්නේ කොහොමද?

මේ වන විට වෙළදපලේ විවිධ මාදිලියේ මුඛ ආවරණ දක්නට තිබෙනවා. නමුත් මේ සියල්ලම භාවිතයට සුදුසුද කියන එක අපි හැමෝටම ගැටලුවක්. ඔබ භාවිතා කරන මුඛ ආවරණය ඇත්තටම සුදුසුද කියලා දැනගන්න කුඩා ක්‍රියාකාරකමක් තියෙනවා.

ඔබගේ මුඛ ආවරණය පැළද සිටින විටදී, ආලෝකවත් ඉටිපන්දමක් පිබලා නිමන්නට උත්සහ කරන්න. ඉටිපන්දම නිවී ගියොත් එම මුඛ ආවරණය භාවිතයට සුදුසු මුඛ ආවරණයක් නොවන්නට වැඩි ඉඩක් තියෙනවා.

මීට අමතරව භාවිතයට සුදුසුම මුඛ ආවරණ ලෙස, N95 මුඛ ආවරණ හා surgical mask විවිධ සෞඛ්‍ය සංවිධාන නම් කර තියෙනවා. මේ වගුවේ සදහන් වෙනවා භාවිතයට සුදුසු හා නොසුදුසු මුඛ ආවරණ පිළිබද විස්තර.

නිවැරදිව Surgical Mask එකක් භාවිතා කරන්නේ කොහොමද?

                                                              

මුඛ ආවරණය ඇල්ලීමට පෙර හොදින් සබන් දා දෑත් පිරිසිදු කරන්න

මුඛ ආවරණය පලුදු වී ඇත් දැයි හොදින් පරීක්ෂා කර බලන්න

මුඛ ආවරණයේ සවිමත් කොටස තිබෙන පැත්ත හදුනා ගන්න

මුඛ ආවරණයේ සුදු පෙදෙස මුඛය ඇති පැත්තට සිටින ආකාරයටත් තබා ගන්න

මුඛ ආවරණයේ ඇති ඇලුමිනියම් කොටස නාසයට ඉහලින් පිහිටන සේ තබන්න

නාසය, කට හා නිකට හොදින් ආවරණය වන පරිදි මුඛ ආවරණය පළදින්න

මුඛය හා නාසය හොදින් ආවරණය වන පරිදි මුඛ ආවරණය සකස් කරගන්න

මුඛ ආවරණය ඇල්ලීමෙන් වලකින්න

මුඛ ආවරණය ගැලවීමේදී කන් පිටුපසින් පමණක් අල්ලා ගලවන්න

මුඛ ආවරණය ගැලවීමෙන් පසු ඔබගේ මුඛ ප්‍රදේශයෙන් ඉවත් කරන්න

ඉක්මනින්ම මුඛ ආවරණය නිවසින් බැහැර බින් එකකට දමන්න

අත් දෙන හොදින් සබං දා හෝදන්න

Surgical Mask එකක් පැළදිමේදී නොකල යුතු දෑ

 

භාවිතා කරන ලද මුඛ ආවරණයක් විවිධ ස්ථාන වල දැමීමෙන් වළකින්න

කට පමණක් ආවරණය වන පරිදින් මුඛ ආවරණය පළදින්න එපා

මුඛ ආවරණය මුහුනට ලිහිල්ව පවතින ලෙස පළදින්න එපා

මුඛ ආවරණයේ ඉදිරි කොටස ඇල්ලීමෙන් වලකින්න

අන් අය සමග කතා කිරීමට මුඛ ආවරණය ගැලවීමෙන් වලකින්න

ඔබගේ මුඛ ආවරණය අනිත් අයගෙන්ද ඈත් කර තබන්න

මුඛ ආවරණය නැවත භාවිතා කිරීමෙන් වලකින්න

 මුඛ ආවරණය ඔබගේ සිනහව වසන් කළත්, වක්‍රව ඔබට සෞඛ්‍යාරක්ෂාව සලසමින් සිනහව කැන්දන බව ඔබ දැනසිටියාද?... මුඛ ආවරණ දැන පැළද අප රැකෙමින් සැම සුරකිමු..